O grupo de investigación da USC Histagra, vén de descubrir a existencia de varias foxas comúns de vítimas do franquismo repartidas por distintos puntos do cemiterio de Serantes.
A súa investigación, tamén coordinada polo Centro de Investigación Interuniversitario das Paisaxes Atlánticas Culturais (CISPAC), permitiu esclarecer que polo menos 197 persoas foron asasinadas e enterradas polo franquismo en foxas comúns nesta parroquia de Ferrol.
Piden colaboración da veciñanza
A primeira fase deste estudo desenvolverase entre o 31 de agosto e o 11 de setembro. É por iso que o grupo pide axuda ás familias das vítimas do franquismo que foron enterradas en Serantes. Tamén agradecen a colaboración de calquera veciño ou persoa que coñeza datos sobre o sucedido que poidan axudar a completar a investigación histórica.
Preservación da Memoria Democrática
Este estudo arqueolóxico enténdese dentro doutros proxectos maiores de exhumación que tiveron lugar en distintos puntos do noso mapa e que pretenden afondar e contribuir á preservación da Memoria Democrática en Galicia. Algúns deles foron o da foxa de O Val en Narón, a foxa común de Vilagarcía de Arousa ou Carral.
En España estímase que existen máis de 6.000 foxas comúns da Guerra Civil e a Ditadura, das cais 106 están en Galicia. Na actualidade, é imposible vivir a menos de 50 kilómetros dunha delas.