O ciclo de cinema ‘Mulleres’, organizado por Afundación, dá comezo este luns para conmemorar a semana de reivindicación de dereitos das mulleres e que se clausurará coa celebración do Día Internacional da Muller Traballadora, o vindeiro domingo 8 de marzo.
Dentro deste marco, ‘Mulleres’ preséntase como un ciclo transversal que ten como eixo vertebrador o empoderamento feminino. Así, este luns proxectarase ‘Toni Erdmann’ na sede Afundación de Ferrol a partir das 18.30 horas da tarde. Esta película trata sobre unha muller que traballa nunha consultora alemá e que comeza a exporse a súa vida por mor dunha pregunta: ‘Es feliz?’.
As películas poderanse ver de forma gratuíta, pero a organización explica que será necesario retirar a invitación na web de ataquilla.como para poder asistir ata completar o aforo.
Luns 2 de marzo- “TONI ERDMAN”
Luns 9 de marzo- “UNA CUESTIÓN DE GÉNERO”
Luns 16 de marzo- “LA BUENA ESPOSA”
Luns 23 de marzo- “LA FAVORITA”