Controlado o segundo incendio forestal de Ferrol nas últimas 24 horas

A primeira hora desta mañana os Bombeiros tiveron que actuar nun lume que calcinou unha hectárea de terreo na Bailadora
WhatsApp Image 2020-07-15 at 10.30.46

Coa chegada do verán e das altas temperaturas comezan tamén os incendios forestais nas comarcas. Nas últimas 24 horas producíronse dous pequenos conatos que quedaron controlados gracias a rápida actuación dos Bombeiros de Ferrol.

O último deles produciuse esta mesma mañá na zona da Bailaradora. Según informaron fontes municipais, o corpo de emerxencias recibiu o aviso pasadas as 08.30 da mañá e se desprazaron ata o lugar de Marmancón, onde se atoparon cun lume que afectaba a algo máis dunha hectárea. Os traballos continuaron durante toda a mañá e o incendio deuse por controlado antes do mediodía. Tamén participaron dúas brigadas da Xunta con tres motobombas.

O outro lume tivo lugar onte, contra as dúas e media da tarde nunha zona de eucalipstos nas inmediacións do Colexio CEIP A Laxe de Valón, pero nesta ocasión apenas afectou a 0,15 hectáreas.

Ao lugar do incendio acudiron os Bombeiros de Ferrol, cun camión bomba e un forestal, así como efectivos da Xunta formados por un axente forestal e 4 brigadas auxiliados por tres motobombas e un helicóptero. Segundo informaba a Conselleria de Medio Rural, pouco despois das 16.20 horas logrouse controlalo, aínda que continuron cos traballos de arrefriado para evitar rebrotes.

 

PUBLICIDAD
Resumen de privacidad

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.