O Destacamento de Tráfico de Ferrol interceptou a un veciño de Ferrol que nunca obtivera un permiso ou licenza de condución para conducir vehículos de motor. Os feitos ocorreron no quilómetro 34,00 da autoestrada AP-9 F, do termo municipal de Naron, no marco dun punto de verificación de persoas e vehículos.
Por todo iso procedeuse á súa investigación por un delito contra a seguridade viaria , tras detectar que carecía de permiso de condución. Durante a instrución das dilixencias o Equipo de Atestados do Destacamento de Ferrol decátase que estaban ante un condutor reincidente, dos considerados pola Agrupación de Tráfico como condutores de risco, por acreditar polo menos catro conducións ilegais.
A Garda Civil interveu o vehículo, como medida cautelar, procedendo ao seu traslado ao depósito municipal de vehículos do Concello de Ferrol, onde quedará ao dispor do Xulgado de Instrución en funcións de garda de Ferrol.
