Recimil recibirá máis dun millón de euros para o novo proxecto de rehabilitación

Este orzamento millonario axudará a darlle unha nova cara ao primeiro parque de vivenda pública de toda Galicia
2020_07_20XGL01

Esta mesma semana botará a andar a execución do proxecto de rehabilitación das envolventes dos números 1-8 da rúa Betanzos, en Recimil. Así o anunciou hoxe o voceiro do goberno local na comparecencia posterior á reunión ordinaria da Xunta de Goberno Local, na que se aprobou o último trámite previo ao inicio dos traballos.

O tamén concelleiro de Urbanismo destacou que este é o proxecto municipal de maior orzamento que se pon en marcha nos últimos anos, xa que foi adxudicado por 1.358.275,24 , o que o sitúa a un nivel similar ao da praza de Armas. Estes traballos significarán unha drástica redución dos labores de mantemento nos edificios que se beneficien deles.

Con estas actuacións dáselle continuidade á rehabilitación do primeiro parque de vivenda pública de Galicia e un dos primeiros de España. Reina reuniuse o pasado venres cos responsables da adxudicataria, coa dirección de obra e con técnicos municipais para planificar o inicio inminente dos traballos, cuxo prazo de execución é de seis meses.

Unha aposta pola rehabilitación

A Xunta de Goberno Local tamén aprobou a solicitude para que Ferrol participe na anualidade 2020 do Programa de Fomento da Rexenaración e Renovación Urbana e Rural do Plan Estatal de Vivenda 2018-2021 no eido da rexeneración urbana. Coa participación na nova anualidade volveránse beneficiar os veciños de Ferrol Vello, A Magdalena, A Graña e Esteiro Vello como xa o viñan facendo nos últimos anos.

 

 

PUBLICIDAD
Resumen de privacidad

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.