O City tren volverá a estar activo durante esta fin de semana con motivo da celebración da terceira edición do Festival Ilustrado de Ferrol. Será gratuíto e sen necesidade de reservar billete con antelación. Estará circulando durante sábado e domingo en horario de tarde, facendo un percorrido circular pola cidade, recorrendo algunhas das zonas con máis patrimonio do século XVIII. Funcionará de 17.30 a 20.30 horas, saíndo da praza de Armas, e seguindo pola rúa do Sol e Arce ata chegar a Amboaxe, onde realizará unha parada, para logo continuar por Magdalena, San Diego, e pola Real ata Breogán, estrada Alta do Porto ata chegar ao peirao de Curuxeiras.
No porto fará unha segunda pausa na parada de autobuses, fronte a fachada marítima . Seguirá a ruta por Irmandiños ata a praza de Galicia, volvendo a deterse na parada de autobuses ao carón da Alameda do Cantón, outro dos espazos máis emblemáticos da época ilustrada. Rematará o percorrido seguindo p ola rúa da Igrexa e subindo por Rubalcava ata a praza de Armas. O luns serán os usuarios do Centro de Día de Caranza os que recorrerán a cidade no City tren, caracterizados da Ilustración. O tren os recollerá ás 11.30 horas para chegar ata a praza de Am boaxe, onde se realizará unha exhibición.
