O Comité de empresa de Navantia Ferrol impediu hoxe a entrada dos traballadores no turno de mañá na factoría como medida de presión para que a dirección do estaleiro público mellore os seus protocolos de seguridade fronte o Covid-19. Según explicou o presidente do comité, Javier Galán, «aínda non se están cumprindo tódolos requisitos esixidos para desenvolver os traballos coas máximas condicións de seguridade», tal e como leva pedindo o comité de empresa desde a primera semana de maio.
Os primeiros traballadores obligados a incorporarse foron os que traballan nos dous AOR australianos -preto de 600 persoas- ata acadar este pasado luns o millar de operarios dentro da factoría. O comité négase a permitir que continúe a incorporación de máis traballadores mentres non se poidan garantir algunhas medidas, como gardar a distancia de seguridade tanto nos buques, como nos talleres ou nos vestiarios.
Ademais, critican os sindicatos de Navantia Ferrol que o número de empregados dedicados á limpeza, hixenización e mantemento das instalacións é «o mesmo que antes da pandemia» e resulta «insuficiente» para cumplir cos novos protocolos.
