Despois de dous meses de paros, o plantel da biblioteca municipal de Ferrol realizará unha nova xornada de folga para seguir reclamando máis persoal e frear o deterioro do servizo. Tamén rexistrarán máis de 900 sinaturas recollidas entre os usuarios e usuarias da biblioteca e a cidadanía en xeral, a cal comparte a demanda dun servizo público de biblioteca de calidade, no que a merma na plantilla está a causar numerosos inconvintes no uso deste espazo público.
Ferrol en Común, que estivo a facerse eco das protestas dos traballadores da biblioteca, considera «inaceptable esta situación na que o persoal de bibliotecas ten que manifestarse nas portas do Concello agardando que o goberno municipal lles escoite e busque unha solución ao problema».
Por iso veñen de demandar ao goberno local que «se tome en serio as reivindicacións do persoal de biblioteca e comece un diálogo cos traballadores e traballadoras deste servizo e unha búsqueda conxunta de solucións».
