O Concello de Ferrol, a través da campaña “Se non podes, imos nós”, realizou no primeiro mes de confinamento preto de 250 servizos a persoas que nestes momentos se atopan en illamento sanitario ou teñen mobilidade reducida e non poden saír a mercar alimentos ou medicamentos e tampouco teñen un familiar que poida realizar ditas tarefas.
A través da concellería de Seguridade a agrupación de Protección Civil encárgase de atender as peticións das persoas máis vulnerables e acude por eles a mercar produtos de primeira necesidade. A loxística lévase a cabo baixo as máis altas medidas de seguridade sanitaria, xa que tanto a recollida do diñeiro, como a compra e a posterior entregan fanse con EPIs e seguindo tódolos protocolos de seguridade.
