Un total de 3.000 litros de alcol sen ningún tipo de documentación legal foron intervidos pola Garda civil na localidade de Ferrol. A Oficina de Análise e Investigación Fiscal -ODAIFI- da Sección Fiscal de Garás -Porto da Coruña- da Garda Civil da Coruña, en colaboración coa Dependencia Rexional de Aduanas de Galicia, foron os responsables de interceptar dous furgóns na cidade naval, no marco da operación Corvo.
Operación Corvo
Dita operación iniciouse ao interceptar dous furgóns de transporte, os cales pertencían a unha empresa de licores da localidade de Ferrol. Ambos vehículos transportaban varios depósitos con alcol, todos eles carentes de documentación que permitisen coñecer a trazabilidade dos mesmos.
Tras revisar as mencionadas irregularidades a Garda Civil procedeu á incautación da mercadoría atopada e a aduana complementou a actuación cunha inspección das instalacións da empresa, obtendo como resultado da operación a incautación de 1.000 litros de augardente, e 2.000 litros de alcol etílico sen procesar, os cales carecían da documentación pertinente.
A Benemérita procedeu á confección das correspondentes denuncias por presuntas infraccións á Lei 38/92 de Impostos Especiais, a Lei 16/1987 de Ordenación do Transporte Terrestre e ao Real Decreto 164/2.014 sobre a etiquetaxe e presentación de determinadas bebidas espirituosas. Os efectos incautados foron precintados e depositados nas dependencias da empresa ao dispor da Aduana da Coruña.
