Este mediodía a veciñanza do barrio de Caranza levouse un gran susto despois de que un patinete eléctrico comezara a arder nunhas das vivendas da rúa Lepanto. Segundo un dos habitantes do piso, o aparello estoupou mentras estaba a cargar, provocando que varios veciños do bloque saíran preocupados polo que estaba a acontecer.
Tras chamar ao 112, dous camións de Bombeiros e un coche da Policía Local tivéronse que achegar ao lugar dos feitos, pero afortunadamente non houbo ningún ferido e as chamas non se propagaron grazas á rápida intervención doméstica.
Tras unha serie de estoupidos ocasionados pola batería de litio do «hoverboard», esta mesma incendiouse de súpeto, polo que inmediatamente o desenchufaron da rede eléctrica e botáronlle unha toalla enriba e auga para calmar o fogo.
