A carga de traballo nos estaleiros de Ferrol volve a dar que falar. Hoxe o alcalde de Ferrol, Ángel Mato, expuso antes do pleno unha serie de esixencias directas cara o Goberno central presidido por Pedro Sánchez, o mesmo que fai escasos días otorgoulle ao estaleiro de Puerto Real o que desexaba, a construción dun Buque de Acción Marítima de Intervención Subacuática -BAM-IS-.
Esta era unha reclamación que facían os propios traballadores de Cádiz e que proporcionará en tres anos 167 millóns de euros, 1,3 millóns de horas de traballo e aproximadamente 1.115 postos de traballo anuais.
É por iso que o edil local solicita o mesmo compromiso que se tivo na bahía de Cádiz, poñendo especial atención á caída que experimentou Navantia tras a crise sanitaria, cun descenso no seu plantel de máis de 1.200 traballadores. «Nesta zona norte Navantia ten unha gran relevancia xa que funciona como o principal motor industrial», recalcaba Mato.
Por outra banda, quixo destacar tres aspectos fundamentais que conforman as súas reclamacións dirixidas ao goberno central: primeiro quixo lembrar a carga de traballo que proporcionará as F-110 e a necesidade de que todos os programas tecnolóxicos relacionados coas fragatas se realicen en Ferrol. A maiores, non se esqueceu da modernización as que se expoñerán proximamente as antigas fragatas F-100, feitas a comezos de século na factoría ferrolana.
Finalmente, mecionou as últimas adxudicacións entre Iberdrola e Windar na creación de Monopiles, onde a carga de traballo podería verse satisfeita se Navantia se esforzara en crear vínculos coa eólica mariña, ampliando así os seus servizos.
