A Concellería de Obras de Mugardos procederá nos vindeiros días á contratación dunha empresa para o arranxo dos danos ocasionados nun novo acto de vandalismo, nesta ocasión no parque do Seixo. Os feitos ocorreron o mércores 12 da pasada semana, e hoxe luns 17 de agosto xa foi recibido o orzamento para levar a cabo o arranxo dos danos.
A reparación a realizar consistirá da sustitución de 10 metros lineais de barandilla de madeira que rodea o río do parque. Pola súa banda Jorge Kuntz, responsable do departamento de obras, lamentou que «o estado xeral da varanda é malo xa que, unha vez máis, faltou mantemento durante anos. Ese é o motivo de que se teñan que sustituir tantos metros da estrutura». Porén, o desgaste do varado non é ningunha excusa para pasar por alto os actos vandálicos que contribuiron á súa destrución, supoñendo un gran perigo para calquera viandante da zona.
