O Concello de Narón abriu o prazo de solicitude de subvencións a clubs e entidades deportivas pertencentes ao municipio neste exercicio de 2020, tendo como data límite para inscribirse ata o 19 de setembro. Os clubs e entidades deportivas locais interesados en acollerse a elas deberán cumprir os requisitos establecidos na Ordenanza municipal reguladora da concesión de subvencións e axudas públicas do Concello de Narón -publicada no BOP nº 2 do 3 de xaneiro de 2018-.
O concelleiro de Deportes, José Oreona, indicou que a partida reservada para estas subvencións é de 85.000 euros. Esta liña de subvencións diríxese a clubs e entidades deportivas sen ánimo de lucro e ten entre os seus obxectivos contribuír ao desenvolvemento das súas actividades no ámbito municipal. As subvencións poden solicitarse a través do Rexistro municipal do Concello, de luns a venres en horario de 8.30 a 13.30 ou da Sede Electrónica.
A documentación ao completo, así como o impreso de solicitude pode consultarse a través da páxina web do Padroado de Deportes de Narón, no enlace: http://www.naron.es/web/cat/gal/concello/subvencions-deportivas.
