A través da concellería de Benestar Social o Concello de Narón porá en marcha dende hoxe 3 de agosto ate o día 30 de setembro un servizo de axuda para as veciñas e veciños -empadroados en Narón- que precisen realizar solicitudes para acadar o Ingreso Mínimo Vital.
A concelleira de Benestar Social, Catalina García, informou de que haberá duas persoas graduadas en Educación Social que levarán a cabo o servizo de información, asesoramento e orientación nos trámites de solicitude para as peticións que así o demanden, xa que estas poden supoñer algunhas posibles dificultades de manexo nas cuestións telemáticas ou de interpretación e sobre todo en persoas maiores. Esta axuda está aberta para toda calquera interesado en cumplimentar as solicitudes pertinentes.
O servizo levarase a cabo no edificio municipal da Casa da Mocidade, na Gándara, en horario de luns a venres, de 9.00 a 14.00 horas e os martes de 16.00 a 21.00 horas, con cita previa chamando ao teléfono 622155806 ou a través do correo electrónico [email protected]
