O Concello de Narón tramitou nos tres últimos meses a través do Rexistro municipal un total de 859 documentos co Sistema de Interconexión de Rexistros -SIR-. Esta modalidade permite o intercambio de asentos electrónicos de rexistros entre as diferentes administracións públicas e, no caso de Narón, a alcaldesa, Marián Ferreiro, indicou que da totalidade dos documentos, 38 dirixíronse ao Goberno central, 699 á Xunta de Galicia e os 122 restantes a outros concellos.
A pesar do estado de alarma vivido en todas as localidade de España, o Rexistro do Concello de Narón continuouse realizando con quendas no persoal do servizo, realizando maioritariamente trámites telemáticos de documentos e certificados de empadroamento que se enviaban aos solicitantes a través do correo electrónico.
«En canto foi posible pola situación sanitaria, implantouse un servizo de cita previa para atención presencial con aforo limitado en todos os departamentos municipais, operativo dende o pasado 9 de maio a través dunha liña de teléfono habilitada específicamente para este fin», indicou a alcaldesa do municipio. Marián Ferreiro.
Posteriormente, en concreto o pasado de 21 de xullo, hai un mes, o Concello retomou a atención presencial sen cita previa, atendendo a un protocolo establecido previamente que inclúe control de acceso facilitando datos persoais e aforo limitado.
«O feito de que moitos concellos da zona e administracións como a Xunta de Galicia continúen traballando cun sistema de cita previa que, en moitos casos, se asigna ás persoas que o solicitan para varios días ou incluso semanas despois da petición, fai que moitas persoas se vexan obrigadas a desprazarse a Narón para poder recibir ese servizo que en moitas ocasións depende duns prazos que non se poden retrasar», recalcou a alcaldesa.
“Incluso varias administracións como a Xunta ou o Concello de Ferrol, en certos casos recomendan telefónicamente a algunhas persoas que para axilizar o rexistro de documentos a través do Sistema de Interconexión de Rexistros se despracen a Narón, donde non hai que solicitar actualmente cita previa”, subliñou Ferreiro.
