Un operario da construcción de 63 anos de idade, resultou ferido esta mañá, poco despois das 11.30 horas, tras caer dunha altura de algo máis de 3 metros cando realizaba uns traballos no noveno piso dun edificio en construción na rúa da Garda, no Alto do Castaño, en Narón.
O accidentado presentaba lesións nunha perna e requiuse a axuda do Speis de Narón para evacualo dende a zona do accidente ata a vía pública. O home foi inmobilizado e evacuado por vía aérea ata alcanzar o nivel da rúa, a través dunha técnica vertical e coa axuda do equipo de mobilización de cargas. Alí foi atendido polo persoal sanitario de Urxencias Médicas e trasladado ao hospital Juan Cardona de Caranza.