Odeón iniciou hoxe o período de rebaixas na práctica totalidade das súas máis de 58 establecementos, con descontos de ata un 75% en todas as marcas, pero mantendo as medidas de seguridade implementadas fronte á Covid-19 para evitar aglomeracións e garantir unha visita segura e cómoda ao visitante. Outra das novidades é que mañá volverán tamén a abrir as súas portas as salas de Odeón Multicines Narón con estritas medidas seguridade para protexer a saúde dos afeccionados á gran pantalla.
Entre as medidas adoptadas, vanse diferenciar os accesos de entrada e saída ás salas e vanse espaciar as sesións para evitar a concentración e o cruzamento de persoas. Tamén se eliminará o corte de entrada físico e instalaranse biombos de metacrilato no bar e nos despachos de billetes. Ademais, para garantir a distancia social estipulada polas autoridades sanitarias, deixaranse butacas libres nas filas de cada sala e non se alcanzará o 75% do aforo máximo permitido que, no caso de Odeón Multicines Narón, é de aproximadamente 1.600 persoas.
Para acceder ás salas será obrigatoria a higienización de mans, polo que se habilitaron tamén puntos de desinfección, e potenciarase, para previr futuros contagios, a venda online de entradas e o pago con tarxeta para evitar a manipulación de diñeiro en efectivo. Co obxectivo de reforzar esta idea, durante a primeira semana de reapertura dos cinemas, as entradas terán un prezo de 5 euros e 2,90 euros para aquelas persoas que acrediten que pertencen ao grupo Odeón Friends, no que poden inscribirse a través da app do mesmo nome.
