Preto das tres da madrugada deste domingo desde o CIAE 112 mobilizouse ao Servizo de Prevención, Extinción de Incendios e Salvamento ( Speis) de Narón por unha saída de vía en dirección á rotonda de Freixeiro, sen poder confirmar inicialmente se había persoas feridas ou atrapadas no interior do vehículo.
Os bombeiros do Speis desprazáronse ao lugar indicado e unha vez alí confirmaron a colisión dun turismo cun farol de iluminación pública, e que debido ao forte impacto sufría danos que afectaban á súa estabilidade.
Os ocupantes do vehículo non sufriron danos e os efectivos do Speis centraron o seu traballo en asegurar o turismo e o farol.
Por motivos de seguridade mobilizáronse aos servizos eléctricos municipais para control da enerxía e asegurar eléctricamente o punto, o que derivou na retirada total do farol por cuestións de seguridade. A intervención finalizou ás 5.00 horas.
Tamén acudiron ao lugar do accidente efectivos da Policía Local naronesa
