O Concello de Neda acaba de completar os traballos de mantemento da canle que nutre de auga á localidade. Nas últimas semanas, o goberno municipal impulsaba esta intervención orientada a eliminar a abundante vexetación que tapaba a condución, optimizando así a conservación desta infraestrutura hidráulica clave.
O proxecto permitiu retirar a maleza, herba e arbustos que cubrían a canle pola que discorre a auga que acaba nos respectivos domicilios da veciñanza local. Unha roza de envergadura pois, tal e como apunta o executivo municipal, a actuación estendeuse ao longo duns cinco quilómetros.
Nestes traballos de limpeza e posta a punto, que se suman aos emprendidos polo Concello para ampliar a rede de abastecemento con novas captacións, investíronse ao redor de 10.000 euros.
