Nova sesión do ciclo de cine de verán do Concello de Neda. Celebrarase este xoves 23 de xullo no paseo marítimo, a partir das 22.30 horas, co pase do filme “La casa del reloj en la pared”. Así, as persoas interesadas en asistir xa poden reservar as súas entradas dende hoxe e ata o mércores -incluído-. Para isto, poden acudir presencialmente á Casa da Cultura de 10.00 a 14.00 horas ou chamar ao teléfono 981 39 02 33 no mesmo horario. Iso si, é preciso que a reserva sexa por conta dunha persoa adulta, que facilite nome e apelidos, DNI e teléfono de contacto.
O Concello tentará agrupar ás familias e tamén aos grupos de amizades de cara a optimizar un espazo que se verá mermado polas distancias sociais que se precisan gardar. Así mesmo, o día da sesión é preciso acudir cunha antelación mínima de 10 minutos antes do inicio da proxección para acomodar espazos.
