A administración local de Ferrol colaborará coa Asociación Española Contra o Cancro na difusión da campaña “Este verán non xogues co sol”, unha iniciativa que a AECC está a poñer en marcha para concienciar sobre os efectos da exposición á radiación solar sobre o organismo. Esta mañá a psicóloga da Xunta Local de Ferrol da entidade, fíxolle entrega ao concelleiro de Seguridade do material que se vai colocar e distribuír nos postos de salvamento das nove praias ferrolás que contan con este servizo.
Trátase de carteis e dípticos informativos que recollen unha serie de recomendacións, como a redución do tempo de exposición ao sol, a protección dos ollos, a hidratación adecuada coa a inxestión de líquidos e a protección mediante o uso de camisetas, gorras ou parasoles. Tamén detallan a forma de emprego das cremas solares e indica os niveis de protección que ofrecen.
Por outra banda comunicaron que a megafonía dos areais emitirá periodicamente mensaxes nos que se incluirán estas recomendacións. O edil mostrouse moi satisfeito desta colaboración coa AECC, á que lle agradeceu as facilidades que lle deu ao Concello para que poida contribuír a divulgar esta importante campaña.
