A concelleira de Benestar Social do Concello de Narón, Catalina García, indicou que o servizo de asesoramento e información para solicitar a prestación do Ingreso Mínimo Vital -IMV- posto en marcha hai un mes atendeu a máis dun centenar de veciñas e veciños da cidade.
A edil lembrou que este servizo continuará funcionando ata o vindeiro 30 de setembro nas instalacións da Casa da Mocidade, na Gándara. As persoas empadroadas en Narón interesadas en recibir orientación para a obtención do IMV deben desprazarse á citada ubicación de luns a venres en horario de 9.00 a 14.00 horas e os martes de 16.00 a 21.00 horas, solicitando previamente unha cita no teléfono 622 155 806 ou a través do correo electrónico: [email protected].
En caso de non poder realizar os trámites con indicacións telemáticas, asignarase unha cita presencial a esa mesma persoa para que cando sexa citada se presente e presencialmente poder axudalana tramitación. «Dende o Concello queremos lembrar que este servizo continúa operativo, informando, asesorando e orientando ás veciñas e veciños que precisen axuda para solicitar estas prestacións, que se cumplimentan de xeito telemático», apuntou García.
