O BNG denuncia no Congreso a situación de desmantelamento da liña de ferrocarril Ferrol-Ribadeo, elos prexuízos para as persoas e sectores das áreas potencialmente usuarias. O Bloque denuncia que “esta situación de perigo que se deriva desa situación de abandono nas infraestruturas, está dando lugar a accidentes –o último, rexistrado a noite do 19 ao 20 de febreiro- con varias persoas feridas”
O BNG alertou de que só o pasado ano producíronse preto dun milleiro de incidentes, que teñen unha relación directa coa redución de persoal, a supresión reiterada de servizos e o abandono no mantemento das infraestruturas, como é o material rodante, estacións ou problemática na expedición de billetes
Néstor Rego mostrase preocupado ante os accidentes ferroviarios que se está a producir e especial o último accidente que se produciu no Barqueiro, a causa dun desprendemento de terras no tramo de Viveiro a Ortigueira. “Este accidente pon de manifesto a situación de deterioro da liña ferroviaria e, sobre todo, a necesidade de actuacións urxentes para que este tipo de situacións non se volvan a reproducir” afirmaba o deputado.
Actuacións que para o BNG implican “máis alá de anuncios baleiros de contido, decisións políticas claras, con inversións e prazos para a modernización da liña en condicións de calidade e operatividade”.