O Concello de Ferrol, a través da concellería de Obras e Servizos, puxo en marcha a finais de agosto o plan de reparación de lousas no barrio da Magdalena, que contempla a reposición de elementos rotos, afundidos ou a súa renovación, un proxecto que contempla ao redor de 300 intervencións e cuxo prazo de execución é de dous meses.
A edil encargada da área, Ana Lamas, visitou o pasado mes os traballos na rúa Real, onde, seguindo o programa de obras, nos últimos días reparáronse varias lousas. Hoxe mesmo actuouse en dita vía á altura de Sánchez Barcáiztegui.
Tamén nos últimos días leváronse a cabo actuacións na praza de Amboage, na intersección das rúas Coruña e Dolores e na praza de España. O plan de reparación de lousas, que conta cun orzamento de preto de 40.000 euros, céntrase en rúas peonís do centro da cidade nas que se detectaron perigos para o tránsito dos viandantes.
Consiste na recolocación de pedras que están soltas ou desniveladas e as que están deterioradas están a ser substituídas por outras de características similares. Onde hai afundimentos na rúa se están a reparar tratando de conservar as lousas existentes e, á par, se están a realizar traballos complementarios en arquetas, bolardos, bordos ou adoquín. As principais rúas nas que se está a actuar son Magdalena, Real, Dolores, María, Sol, Sánchez Barcáiztegui, Coruña, Igrexa, praza de España e Amboage, entre outras.
