Valdoviño vén de concluír as obras de ampliación e acondicionamento da zona de xogos reservada ao alumnado de Educación Infantil do CPI Atios. Unha intervención prevista e acelerada a raíz da Covid-19, co ánimo de sumar metros cadrados ao espazo para favorecer as medidas de distanciamento social e tamén facilitar unha entrada independente para o alumnado. Na intervención investíronse uns 12.000 euros.
Obxectivo das obras
As obras contemplaron o retranqueo do peque perimetral no lateral contiguo á zona de estacionamento para o equipo docente e a instalación de céspede artificial no chan. O invernadoiro, escenario das plantacións dos máis pequenos e pequenas, trasladouse a un lateral da zona de xogos para optimizar o espazo así como o areeiro.
Fundiuse o acceso de entrada ao centro dende esta área, na zona lateral do inmoble e máis outra pequena superficie situada na entrada dende o pavillón. Así mesmo, colocouse neste espazo un novo portalón con acceso directo á zona de xogos. As tarefas completáronse cos traballos de pintado na fachada do CPI.
