O concelleiro de Urbanismo, Julián Reina, presidiu esta mañá a comisión informativa onde lle trasladou aos grupos da oposición a dispoñibilidade do estacionamento disuasorio de Canido a mediados do próximo mes de outubro, unha vez xa se remataron as obras e se plantaron os tilos.
Avances no aparcamento municipal do CHUF
Por outra banda, esta mañá tivo lugar unha nova reunión de traballo entre o concelleiro e os técnicos do departamento de Urbanismo, na que se abordou a evolución dos traballos do aparcamento municipal do CHUF. Reina lembrou que o novo aparcamento municipal contará con 123 prazas de estacionamento, catro das cales estarán reservadas para persoas con mobilidade reducida.