Pasadas as 21.00 horas de onte, martes 13 de outubro, José Manuel López Pérez «Coté», o falso médico ferrolán, entrou na prisión de Pereiro de Aguiar (Ourense) para cumprir unha condena de catro anos e medio pola comisión de delitos de intrusismo e estafa polos máis de seis meses que exerceu a medicina na Clínica de Vinarós (Castelló) no ano 2009. Así mesmo tamén Fréderic Gisbert, socio en esta clínica, entrou nunha prisión da Comunidade Valenciana.
Según a sentencia ratificada polo Tribunal Supremo, os dous homes, sen a titulación requirida para exercer como médicos, enganaron a unha vintena de pacientes nun centro en Vinaròs, onde se presentaban como médicos, examinaban aos enfermos, diagnosticaban enfermidades de todo tipo e prescribían tratamentos diversos, incluído nalgún caso tratamentos con células nai, transplantes e cirurxías non menores.
Ao falso médico ferrolán aínda queda pendente o xuízo polos feitos acaecidos na clínica de Ferrol, polos delitos de homicidio, lesións, estafa, branqueo de capitais, intrusismo, falsidade documental, polos que o Fiscal solicita penas que suman 334 anos de cárcere. Este xuízo dará comezo en xaneiro do 2021, tras dous aprazamentos, e xusto cando se cumprirán case trece anos desde a súa detención.
