O miradoiro do Paraño será un dos puntos destacados do cuarto e último roteiro do programa “Móvete en Valdoviño” que organiza o Concello a través da Concellería de Deportes. Esta andaina de 2 horas e 8 kms a percorrer terá lugar o vindeiro sábado 5 de setembro, dirixida a persoas maiores de 18 anos. Partirá ás 10 horas e o punto exacto de saída comunicarase ás persoas participantes.
6 prazas libres
A ruta prevista para mañá no marco de “Móvete en Valdoviño”con parada no Miradoiro do Paraño queda aprazada polas altas probabilidades de choiva. Das 50 prazas iniciais aínda quedan 6 libres,polo que abrirase novamente a inscrición ata o vindeiro xoves 4 de setembro.
Para cubrir esas prazas a través do correo [email protected] e whatsapp 626 465 531, sinalando nome e apelidos, DNI, data de nacemento, localidade de empadronamento e teléfono de contacto.
Recomendacións sanitarias
A actual situación sanitaria derivada da Covid-19 obriga ao Concello a plantexar unha serie de recomendacións imprescindibles para tomar parte nas rutas como son: o uso obrigatorio de mascarilla e levar nas rutas un pequeno bote con líquido desinfectante para as mans.
Así mesmo, cada participante levará o seu propio material deportivo e a súa bebida e comida. Durante a marcha, é recomendable camiñar en paralelo cunha distancia mínima de 1,5-2 metros (en caso de que non sexa posible manter esta distancia debido á existencia de vías estreitas farase en fila de un, respetando as distancias entre o anterior e o seguinte participante).
As paradas de descanso que se realizarán durante a ruta serán en lugares amplos onde se poidan manter as distancias de seguridade e, se algún participante necesita algún tipo de axuda, para acceder a algún lugar, será obrigatorio a posterior desinfección das mans.
Como recomendacións xerais para asistir á ruta, a Concellería de Deportes lembra a importancia de levar: mascarilla e xel hidroalcólico (obrigatorio); roupa e calzado cómodo; gorra, visera ou similar; protección solar; auga e algún alimento (froita, barrita enerxética, etc), e chuvasqueiro (dependendo das condicións climatolóxicas).
