Esta mañá na comisión ordinaria de Benestar Social, Igualdade, Muller, Xuventude e Patrimonio Histórico, deuse conta aos grupos da oposición do convenio de colaboración que o alcalde de Ferrol, Ángel Mato, e o reitor da Universidade da Coruña, Julio Albalde, firmarán nos próximos días para a asistencia na Clínica Universitaria de Podoloxía ás persoas sen fogar e en exclusión social, ubicada no antigo Hospital Naval.
Tal e como se explicou, o Concello destinará a dito convenio unha cantidade de 5.000 euros anuais, para que así as persoas máis vulnerables poidan teer unha asistencia integral podolóxica. Dita atención podolóxica integral incluirá servizos de quiropodoloxía, ciruxía podolóxica, exploración e biomecánica, ortopodoloxía e pé de risco, e só poderán ser atendidas 70 persoas por curso, e dará comezo a finais de setembro.
A edil explicou que dita iniciativa ten dous vertentes. Por unha banda, facilitar o acceso a un recurso sanitaria que non é menor, sobre todo para as persoas vulnerables. E, por outra, recoñecer a unha escola que é un referente galego.
