O Concello de Neda convida unha vez máis tanto á mocidade como aos maiores a gozar dunha nova sesión do mellor cine ao aire libre este xoves. Na Cruz do Pouso proxectarase o filme de animación «Ratón Pérez 2» a partir das 22:00 horas, unha actividade incluída na Rede Cultural da Deputación provincial da Coruña.
A entrada para ver a película é de balde, pero é necesaria reservala, xa que trátase dunha das medidas establecidas no marco da nova normalidade imposta pola COVID-19. Así, o prazo para reservar as entradas ábrese hoxe e pecharase o mesmo xoves. Debe solicitarse na Casa da Cultura de 10:00 a 14:00 horas ou chamando no mesmo horario ao teléfono 981 39 02 33. A reserva debe realizala unha persoa adulta e aportar nome e apelidos, DNI e teléfono de contacto.
O Concello tentará agrupar ás familias e tamén aos grupos de amizades de cara a optimizar un espazo que se verá mermado polas distancias sociais que se precisan gardar. Así mesmo, o día da sesión as persoas deben acudir cunha antelación mínima de 10 minutos antes do inicio da proxección para acomodar espazos.
