Un home de 83 anos tivo que ser trasladado ao hosptial o pasado domingo 26 de xullo tras sufrir diversos traumatismos na praia ferrolana da Fragata, debido ao desprendemento de varias pedras nunha das paredes rocosas que conforman o areal.
Os primeiros en dar a voz de alarma foron os bañistas que se atopaban cerca do lugar dos feitos, onde posteriormente achegaríanse os socorristas e xa previamente despois o persoal das ambulancias que o Concello ten dispoñibles para rápidas intervencións nos areais. Finalmente, ata o lugar dos sucesos desprazáronse tanto a Policía Local como os Bombeiros para supervisar o acontecido e, mediante unha pértega, intentaron asegurar a zona para evitar que quedara algunha pedra que puidera caerlle a outro bañista.
Na UCI con pronóstico grave
Tras o suceso afectado foi trasladado ao Arquitecto Marcide mediante unha ambulancia medicalizada do 061 debido aos traumatismos que sufrira. Nun primeiro momento estes non pareceron asustar debido a que non se temía que fosen de gravidade, ademais de que se descoñecía a súa situación tras ter o pronóstico reservado.
Finalmente hoxe coñeceuse a situación actual da vítima, a cal foi trasladada a planta da UCI do mesmo centro hospitalario onde xa se atopaba tras o seu empeoramento.