Onte 8 de agosto a veciñanza de Valdoviño foi sorprendida por un vehículo dos que non se soen ver máis que nas pelis. O coche en cuestión trátase dun Mclaren Senna, o sucesor do McLaren P1 e das súas versións P1 GTR e P1 LM. O propietario do vehículo paseouse polo areal de Valdoviño atraendo a atención de todo o municipio xa que ten unha exclusividade única: este coche pensado tan só para circuito ten limitada a súa produción a un total de 500 unidades.
En canto a potencia se refire, o McLaren Senna conta cunha capacidade de 800 CV de potencia máxima, o cal faille pasar de 0 A 100 Km/h en 2,8 segundos e lle permite alcanzar unha velocidade máxima de 340 Km/h. Non saberemos se este coche volverá a pasearse polas rúas de Valdoviño, pero o que sí é seguro é que a veciñanza e os bañistas que se atopaban no areal non se esquecerán deste vehículo.
