Esta mañá unha muller cunha idade comprendida entre os 30 e 40 anos apuñalou a un viandante que, segundo fontes policiais, trátase dun ataque aleatorio ocorrido nas inmediacións do Callao preto da marquesiña do bus. A agresora foi identificada por varios traballadores de comercios próximos xa que a soe frecuentar e tanto ela como a nai son veciñas da zona. Este é o segundo apuñalamento que ten lugar na cidade nas últimas 24 horas, tralo ocorrido onte na zona de Telleiras, no barrio de Caranza.
O suceso, que non tardou en causar un gran balbordo na zona -xa que soe estar ateigada de xente e aconteceu preto das 12 da mañá- motivou a aparición de dúas ambulancias medicalizadas, unha para a agresora que tivo que ser esposada, e outra para atender ao ferido, que sufriu unha coitelada no ombreiro e foi trasladado ao servizo de Urxencias do CHUF. Tamén se desprazaron ata o lugar dos feitos varias patrullas da Policía Local e da Policía Nacional para deter á muller, despois de que esta fose retida pola propia vítima. Os membros da Policía Nacional abriron as dilixencias oportunas contra a agresora, que esta a ser investigada.
Máis episodios violentos
Fontes próximas á familia da agresora aseguraron que non é o primer acto violento que protagoniza a muller, a cal sofre dende que era pequena varios problemas mentais. Estas mismas fontes piden as administracións locais algún tipo de resposta, pois cando a agresora non recibe apoio médico soe sufrir este tipo de brotes cunha gran agresividade.
De feito, tal e como aseguraban estas fontes cercanas á muller, fai uns anos lle concederan unha vivenda social en Recimil e posteriormente foi desaloxada de alí polos constantes problemas que causaba. Por ese motivo algunhas tempadas convive coa nai, aínda que esta é maior e non pode facerse cargo da súa filla, a cal ademais é bastante corpulenta.
