Unha das unidade móbiles da Axencia de Doazón de Órganos e Sangue -ADOS- desprazarase dous días da vindeira semana á cidade. O venres 25 o vehículo localizarase nas inmediacións do centro de saúde do Alto, entre as 15.30 e as 21.00 horas e o día seguinte, o sábado 26, estará nas inmediacións da Praza da Constitución, na Solaina, de 10.00 a 15.00 horas.
As persoas que poidan doar sangue poden reservar cita para facelo chamando previamente ao número de teléfono 900 100 828. É preciso que almorcen e esperen dúas horas despois de xantar antes de realizar a doazón e, ademais, deben levar a tarxeta de doazón, o DNI ou algún documento similar e informar ao médico da unidade móbil no caso de que estean tomando algún medicamento.
ADOS garante a través de diferentes medidas a seguridade das persoas que acoden a doar, a través dos exhaustivos protocolos de seguridade establecidos para realizar este labor.
