A partir da próxima semana, o Concello de Valdoviño reactivará o servizo de atención cidadá para axudar a veciños e veciñas nos trámites que deben realizar trala entrada en vigor da primeira numeración oficial do municipio. Unha medida que conleva a necesidade de actualizar documentación oficial como o DNI, o carnet de conducir, o domicilio fiscal ou os datos en bancos e entidades financieras, así como de comunicalo a empresas subministradoras de servizos -operadores móbiles ou compañías eléctricas-. A través deste servizo asesorarase á cidadanía e facilitarase a realización dos trámites de carácter municipal, ao tempo que se axudará a concertar citas naquelas administracións e entidades nas que fose preciso, ademais de resolver dúbidas e consultas.
Así, o servizo estará operativo os martes e xoves, de 09:00 a 14:00 horas, na casa consistorial, e prevese o seu funcionamento ata finais do mes de febreiro. Coa aprobación da numeración oficial, o Concello buscaba dar seguridade legal e erradicar problemas que se producían de sempre como no servizo de correos ou envíos a domicilios. Ademais, a Administración local procedía á colocación da sinaléctica provisional, que se prevé se substitúa por unha nova, xa de carácter permanente, unha vez se resolva o proceso de adxudicación do contrato de subministro, hoxe en trámite cun orzamento superior aos 42.000 euros.
