O Concello de Valdoviño convida a nen@s e maiores a unha sesión de cine ao aire libre nocturno este xoves 9 de xullo. Celebrarase a partir das 22.45 horas no campo da festa de Meirás, convertida unhas horas nunha sala de proxeccións para acoller o pase do filme de animación «O Bosque animado».
A entrada é de balde, pero precísase retirar invitación previamente na Oficina Municipal de Turismo sita na Porta do Sol -un máximo de 5 por persoa-. Así, pódese facer hoxe luns 6 de xullo ata o día día 8 entre as 11.00 e as 17.00 horas.
Así mesmo, o municipio axustarase en todo momento á normativa vixente en relación á prevención da Covid-19. Nesta liña, decidiuse programar as actividades ao aire libre delimitando os espazos e adaptándoos ao aforo permitido. O uso de mascarillas será obrigatorio naquelas actividades nas que non se poida manter a distancia de seguridade, e o Concello recomenda o seu uso xeneralizado en todas elas.
Por último, e no caso de que sobrasen invitacións, estas estarán a disposición do público o mesmo día da actividade e repartiranse por orde de chegada das persoas interesadas. De igual xeito poderán ser dispostas para o seu uso aquelas cadeiras que non fosen ocupadas polas persoas que tendo invitación non acudan á actividade ou chegasen tarde ao acto. Non se admitirán as reclamacións por estas circunstancias.
