O mandil ou delantal tan tradicional en Galicia acaba de dar o salto á fama mundial grazas á presentación na Semana da Moda de París da colección primavera/verán 2026 de Miu Miu, de Miuccia Prada. Porén, non é a primeira vez que vemos este símbolo tan vinculado ás avoas galegas e ó rural saír fóra do seu contexto cotián.
Na arte urbana
O mandil non podía falar nos murais das “superavoas” do artista Yoseba Muruzábal (Yoseba MP): podémolo ver na avoa voadora na Avenida de Romero Donallo, en Santiago de Compostela, ou en Ordes, onde creou o primeiro mural desta serie “A greleira de 50 pés”.
Na gastronomía
O mandil sempre estivo presente nas cociñas galegas, pero tamén deu ó salto á hostalaría: a bocatería especializada en chicharróns Chichalovers, en Santiago, converteuno nunha representación dos seus valores, con produto de proximidade e amor polo rural. Non lles foi nada mal: no seu primeiro ano xa conseguiron un Solete Repsol.
Nas redes sociais
O mandil tamén está presente na comunicación en redes sociais de espazos culturais como A Tobeira de Oza, que esta mesma semana celebraba a chegada desta prenda ás pasarelas
Na publicidade
Gadis, que na súa serie de anuncios ‘Vivamos como galegos’ empregou símbolos de Galicia como o can de palleiro, non podía deixar atrás ó mandil: estivo moi presente no seu spot de 2023 ‘Galicia salvará ó mundo”, rodado na súa gran maioría en Redes, en Ares.
