O Tribunal de Instancia de Cambados impuxo unha multa de 900 euros ademais dunha indemnización e pago dos gastos sanitarios a un home de 33 anos que agarrou do pescozo e tirou ao chan a un neno de dez anos que estaba a xogar co seu fillo nun parque de Portonovo.
Segundo recolle a sentencia, os rapaces estaban xogando co balón no parque cando, tras un roce entre os nenos, o pai dun deles insultou ao outro rapaz e tirouno ao chan collendóo do pescozo. A xuíza apreciou un claro abuso de superioridade pola diferencia de idade e destacou o temor da víctima que estivo unha semana sen volver ao parque tras o acontecido.
Xunto aos 900 euros de multa, o condenado deberá abonar 140 euros polo perxuicio persoal básico, 60 euros polo daño moral e 256, 87 euros ao Servizo Galego de Saúde pola atención médica prestada ao menor, quen sufriu lesións físicas no pescozo.
A resolución tamén destacou a reacción dos menores que estaban no parque, que ao ver a situación, correron en busca das súas nais para avisar do que estaba a pasar. A sentencia non é firme e pode ser recurrida ante a Audiencia Provincial de Pontevedra.