A nova convocatoria electoral para o Parlamento de Galicia, o próximo 12 de xullo, serviu para perfilar qué tipo de campaña vai adoptar cada partido e cal será a narrativa dos principais candidatos. Aínda que tanto o actual goberno dos populares como a oposición manifestaron a súa intención de centrarse na reconstrucción do panorama postcovid, atópanse importantes diferencias nos papeis que Caballero e Pontón, principais competidores de Feijóo, están a tomar.
O líder do PSdG hai tempo que abandonou a moderación para asumir un tono más radical e crispado, contra Feijoo, mentres que a candidata nacionalista está asumindo posicións institucionais e propositivas.Antes da convocatoria electoral era palpable o tono comedido e conciliador utilizado por tódolos los líderes políticos no seguimento que se fixo da evolución da crise sanitaria, pero unha vez anunciada a nova data para as eleccións, todo mudou.
O discurso abroncado e recriminatorio de Gonzalo Caballero hacia o actual titular da Xunta parece non ter moito sustento nos seus varóns provincias e aínda menos nos concellos, máis centrados en xestionar, dentro das súas competencias, a crise sanitaria e tódolos seus efectos colaterais. Nas últimas semanas referiuse a Feijoo como “mentiroso compulsivo”, “ventaxista” e dixo que “non é de fiar”. Acusouno de converter a Galicia no seu “chiringuito particular” e de actuar como “o pitufo gruñón” contra o Goberno Central. Unha estratexía que, a tenor das enquisas, parece máis abocada á autodestrucción. Pola súa banda, a líder do BNG, Ana Pontón, foi quen de manter o tono sosegado e construtivo dos últimos meses.
Xa na primeira convocatoria electoral, no mes de xaneiro, o BNG adoptou unha estratexia baseada na moderación que reflectía a capacidade de xestión e de solvencia de Pontón para ocupar as máximas responsabilidades en San Caetano. Todo iso sen abandonar a crítica, a veces dura, pero sempre construtiva e propositiva. Na súa última intervención chamou a consensuar un “pacto de país” para afrontar a reconstrución post-covid. Nun escenario no que a cidadanía agarda solucións e colaboración institucional cabería esperar que a estratexia dos nacionalistas favoreza os seus resultados. A un mes das eleccións, todo está aínda por demostrar.
