A Patrulla do Servizo de Protección de Incendios da Garda Civil de Ortigueira esclareceu o incendio forestal ocorrido o 23 de agosto en lugar de Brandariz, máis concretamente na parroquia de Luama, Ortigueira. As chamas remataron afectando a 0,20 hectáreas de arboledo grazas a rápida intervención dos axentes.
Os efectivos da citada Unidade procederon á inspección ocular da zona unha vez extinguido o mesmo, recollendo os vestixios e diversas probas que puidesen conducir á identificación plena do autor dos feitos.
No transcurso da investigación, tras o estudo dos vestixios recollidos e da posterior análise da información solicitada, a Garda Civil logrou coñecer a identidade do autor dos feitos, resultando ser un veciño da zona, reincidente neste tipo de actos completamente incívicos.
A Benemérita procedeu á investigación desta persoa como presunto autor dun delito de incendio forestal recollido no artigo 352 do Código penal.
