Javier Losada visitou Oroso para apoiar a demanda de rebaixas na AP-9 para o tráfico pesado

O delegado do Goberno mantivo unha reunión de traballo co alcalde, Manuel Mirás, para falar dos proxectos pendentes no municipio
Oroso3a

O delegado do Goberno en Galicia, Javier Losada, visitou hoxe o Concello de Oroso, onde mantivo unha reunión de traballo co alcalde, Manuel Mirás Franqueira. Losada e Mirás, xunto a outros concelleiros de Oroso, visitaron a glorieta da Foca en Sigüeiro, xa rematada e en funcionamento. “Este proxecto serviu para alixerar o tráfico, mellorar a seguridade viaria e humanizar a contorna”, afirmaron.

Coa nova glorieta, “reducimos os atascos que se producen na N-550 ao seu paso por Sigüeiro polos vehículos que van dirección Santiago ou dirección A Coruña, ademais de mellorar o problema que temos cos vehículos pesados”, apuntou Manuel Mirás.

Con relación a este último aspecto, Mirás lembrou que “preto do 20% do tráfico que pasa pola N-550 en Sigüeiro é de vehículos pesados, por iso lle pido a Fomento que impulse o proxecto da nova circunvalación en Sigüeiro polo oeste, desde a rotonda do polígono ata a bifurcación da estrada que vai ao aeroporto de Lavacolla”.

Losada comprometeuse a apoiar a infraestrutura e ambos coincidiron na necesidade de demandar “unha rebaixa nas tarifas da AP-9 para o tráfico pesado, unha medida que tamén serviría para reducir que os camións pasasen por Sigüeiro”.

Aproveitando a visita de hoxe ao Concello de Oroso, o delegado do Goberno e o alcalde Manuel Mirás supervisaron os traballos para consolidar os piares da ponte de Sigüeiro, tamén rematados, todo elo nun clima de coordialidade e máxima colaboración por ambas partes.

 

PUBLICIDAD
Resumen de privacidad

Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.