A Policía Local de Ferrol interpuxo no día de onte 8 de xullo catro denuncias por depositar as bolsas de lixo fora dos colectores destinados a tal fin. Unha chamada de atención necesaria para evitar que estas condutas incívicas se extendan por toda a cidade.
En concreto, os axentes da Policía Local denunciaron a catro persoas; dúas foron sorprendidas na rúa Dolores, outra na rúa Real e a última en Magdalena, todas elas no centro do municipio. Ademais, a Policía Local advertiu a outra persoa de que non podía depositar as bolsas na beirarrúa cando se dispoñía a facelo.
