A área sanitaria de Ferrol conta actualmente con 11 casos por Covid-19, tras case dúas semanas sen evolución e un estacamento en 12 persoas contaxiadas. Desde o pasado 12 de xuño só se rexistraron dous casos novos, pero non foi ata hoxe que se produciu o primeiro descenso no número de activos segundo os datos facilitados polo Sergas.
A boa nova é que durante todo este tempo os hospitais de Ferrol seguen libres de pacientes contaxiados e todos os casos foron leves e fixeron illamento doméstico. Así, a día de hoxe o número de persoas que xa superaron o virus é agora de 571 nas comarcas de Ferrol, Eume e Ortegal e obtiveron a alta epidemiolóxica.
O primeira parte estudo do Sergas sobre seroprevalencia nas tres comarcas, indicaba que aproximadamente 1.100 persoas xa superaran o coronavirus, polo que se calcula que algo máis dun 40% foron casos asintomáticos. A segunda parte desde estudo realizado pola Xunta e o Instituto Galego de Estatística, no que se fixeron test a máis de 3.000 persoas da zona, publicarase nos próximos días.
O último falecemento por Covid-19 produciuse o 9 de maio, polo que o número de vítimas mortais nas comarcas é de 33 persoas, entre os que faleceron nos centros de maiores e nos hospitais de Ferrol.
