Susana de Sarriá abandona a presidencia de Navantia tras algo máis de dous anos no cargo. O consello de administración da Sociedade Estatal de Participacións Industriais (SEPI) acordou este mércores o nomeamento de Belén Gualda como nova presidenta da empresa de construción naval.
Esta granadina de 46 anos e enxeñeira de camiños de profesión será a presidenta máis nova da historia de Navantia. Durante a súa traxectoria formou parte de varias empresas públicas dependentes da Xunta de Andalucía e chegou a ser directora xeral de Transporte da Consellería de Obras Públicas de 2015 a 2017.
Na súa breve andadura Sarriá deixa tras de sí añgúns importantes fitos para a empresa pública como a posta en marcha do plan estratéxico, a aprobación dun convenio único ou o plan de rexuvenecemento do persoal. A última vez que acudiu a Ferrol foi durante a firma do convenio con Iberdrola para a construccións dos jackets do parque eólica offshore de Saint-Brieuc.
A súa sucesora, Belén Gualda, ten por diante imporantes retos na ría de Ferrol, comezando pola falla de carga de traballo e o calendario de protestas dos comités de empresa de Navantia na ría. Tamén terá que xestionar os procesos de seleccións de novo persoal, a diversifiación que demandan tanto sindicatos como partidos políticos, a posta en valor dos depatamentos de Turbinas e Reparacións, a transformación dixital do estaleiro 4.0 e o inicio do programa das fragatas F-110.
