Parece estabilizarse o continuo e progresivo descenso de contaxiados por coronavius na área de Ferrol, tras detectarse 2 casos menos nas últimas 24 horas, deixando o número total de activos en 148. Co de hoxe, xa son seis os días consecutivos no que Ferrolterra observa unha redución da Covid-19 nas súas respectivas localidades.
Dos actuais 148 casos, 143 atópanse en domicilio e só 5 están hospitalizados, dos cales un dos pacientes permanece ingresado na unidade de coidados intensivos, e os outros catro seguen en planta.
Desde o inicio da pandemia xa son máis de 1.000 os casos detectados tralas máis de 33.000 PCRs realizadas entre o Marcide, o punto móbil do Novoa Santos e as probas a domicilio. Estos datos confirman que a área sanitaria de Ferrolterra é a que menor incidendia de contaxios tivo, obtendo a menor tasa de positividade de toda Galicia cun 2,7%.
Volta a alarma social no ámbito educativo
Co novo positivo rexistrado hoxe no CEIP Cruceiro de Canido, xa son 7 o número total positivos pertencentes a centros escolares da comarca de Ferrolterra. Este novo caso é o segundo contabilizado na cidade ferrolá, tendo en conta outro atopado no IES Saturnino Montojo. Os demais infectados pertencían a Narón -1 no CEIP de Piñeiros e 1 no CPI do Feal-, a Fene – 1 no IES de Fene-, e dous positivos máis no municipio de Ares – os 2 no CPI As Mirandas-.
Esta nova, aínda que non é unha sorpresa, é unha novidade posto que xa se acumulaban varios días sen ter que lamentar ningún novo infectado. Polo momento, a incidencia do virus nas escolas non está a ser notoria, xa que só o centro educativo de Ares tivo que pechar unha das súas aulas.
