O Concello de Monfero anunciou que porá en marcha unha primeira liña de axudas directas para persoas autónomas, microempresas ou pequenas empresas do municipio, afectadas polo peche dos seus negocios como consecuencia da crise do Covid-19.
Consistirán en axudas directas de ata 1.500 euros e os beneficiarios deberán estar empadronados en Monfero e realizar a actividade tamén no municipio. A actividade dos beneficiarios das axudas debe estar afectada polo peche do establecemento ou suspensión da actividade desde a declaración do estado de alarma. Nos vindeiros días publicaranse as bases reguladoras das axudas na web municipal.
