Os servizos de emerxencia interviñeron esta tarde en Ferrol, concretamente no lugar de San Felipe, para recuperar o corpo sen vida dunha muller de idade avanzada que se atopaba nunha zona rochosa próxima a un regato. Foi unha persoa da familia da muller quen alertou ao 112 Galicia de que a atopaba posiblemente falecida ás 13:45 horas de hoxe.
A vítima, que era orixinaria de San Felipe, pero que residía en Madrid chegara fai unha semana á zona e saíra o día anterior a visitar a dous irmáns que tamén viven na parroquia. Segundo explicaron os veciños, a muller transitaba por un pequeno sendero xunto ao Río do Salgueiro coñecido como o Camiño dos Molinos, unha zona rochosa e húmida, polo que a hipótese máis probable e que esbarrase e caese.
A muller presentaba unha gran ferida na cabeza froito de bater contra as pedras. Foi unha sobriña a que iniciou a búsqueda esta mañá tras botala en falta desde a pasada tarde. Tras varios minutos de búsqueda pola zona, atopouna xa morta xunto ao regato.
Enseguida, o persoal do Centro Integrado de Atención ás Emerxencias ( CIAE) 112 Galicia solicitou a intervención de Urxencias Sanitarias de Galicia-061, dos Bombeiros de Ferrol e dos axentes da Policía Local e Nacional. Unha vez rescatada, os servizos sanitarios tan só puideron confirmar o seu falecemento.
