Dende a Consellería de Deportes quixeron lembrar que o vindeiro 7 de agosto rematará o prazo para que clubs e entidades deportivas tramiten as solicitudes para utilizar na tempada 2020-2021 as instalacións deportivas municipais (pistas de pavillóns, campos de fútbol, ximnasio do Complexo polideportivo da Gándara…). O modelo a presentar está dispoñible na páxina web do Padroado de Deportes, a través do enlace: http://www.padroadodeportesnaron.com/web/docs/modelo-solicitud-instalacions-deportivas-modif.pdf.
As instancias, unha vez cumplimentadas deberán acompañarse dunha solicitude xenérica e presentalas no Rexistro Municipal do Concello ou a través da Sede Electrónica do Concello de Narón. É preciso que cada club ou entidade presente unha solicitude de uso por cada unha das instalacións municipais que queira utilizar, no caso de que sexa máis dunha.
