O Concello de Neda fixo esta mañá un chamamento aos visitantes que estes días se achegan á Fervenza do Belelle para que fagan uso do estacionamento habilitado á mesma entrada da vía de acceso, nas inmediacións do Pazo de Isabel II.
Nunha parcela duns 1.500 metros cadrados, ten capacidade para uns 100 turismos, e a súa posta en servizo foi posible grazas ás cesións de terreos por parte da veciñanza de Neda.
Deste xeito, dende a casa consistorial do municipio lembran que o acceso en turismo polo vial está prohibido, como medida tendente a contribuír á preservación dos valores naturais da contorna. Só está permitido o paso dos vehículos da veciñanza da zona e do persoal da central hidroeléctrica.
